2020年3月23日 星期一

❤ 護髮の 【頭髮自己救❤】

前排摸起自己把頭髮就覺得好乾髮質好差
一黎自己把頭髮真係太長,平時無好好護理真係搞到開晒叉,又乾又粗糙
摸起上來就好似一堆禾乾草無差

然後我就決心修護好把頭髮,今次既文章真係純分享,無同任何品牌合作
呢排多左朋友問我點keep 住長把頭髮都可以咁順滑有光澤
我就知道至少修護成功 見到效果啦
所以就想分享番修護頭髮既心得比大家啦

先講講我本身頭髮係咩髮質
首先我頭髮都唔算超級厚,適中厚度,但長度係超到胸以下,超級
髮絲屬於比較硬和粗身
平時大概四至五個月就染一次頭

本身未做修護前,平時既我沒有特別做頭髮護理
日日普通洗頭用護髮素,頂多隔3-4 天做一次髮膜
最差應該係吹頭 只係會吹到4-5成乾 濕滴滴 自然乾

首先洗頭既部分我由護髮素改用髮膜
買了兩盒頭膜 首推TSUBAKI 金色盒裝髮膜

呢款髮膜一聞就覺得好香  當中有雙重胺基酸

可擴展因受損而變窄的髮絲通道,讓濃密美容成分迅速渗透
有效撫平毛鱗片形成保護膜
深層修護受損髮絲
我用過一次之後就愛上佢  

我平時沖涼既步驟會係先洗頭然後上髮膜
再用大髮夾將成把頭髮夾起 唔好掂水住
然後沖身  最後過左10分鐘再拆夾洗走髮膜
第一次已經好明顯地feel 到效果  頭髮會變得超順滑

咁我唔會用死一隻髮膜
我會用多隻平少少  效果無金色咁強
簡單做番修護  就係L'oreal Paris Total Repair 5系列
主要針對5種嚴重受損頭髮問題 (折斷、乾燥、暗啞、粗糙、髮尾分叉)
以獨特活性成份凝護膠原修護頭髮
 同護髮素有 d 似,但比較杰身,用完個感覺唔似TSUBAKI咁滑
但佢比TSUBAKI 較滋潤,兩者互補

講完洗頭就講吹頭啦
過往既吹頭方法真係太唔得,一黎個頭會好乾,二來會好塌
吹頭時候我會用上呢款韓國 Mise en scene~玫瑰精華護髮油
它添加了多種滋養保濕成分,能深入滲透毛鱗片,補充頭髮所需的養分
使秀髮快速恢復柔亮滑順
重點是它的CP值超高
質地為半透明油狀,非常滋潤,但吸收力很快速,所以不會過於油膩
香味也相當好聞,讓秀髮充滿迷人香氣

我會把頭髮吹到四成乾後
就取兩適精油,在手心搓暖然後再倒轉一把頭髮先輕按頭中
再順著頭髮按摩至吸收
最後再滴多一滴主力用在髮尾
再開吹風機 把頭髮倒轉吹至8成乾
這樣吹頭就不會使髮根塌塌的

最後頭髮吹乾後摸起來會覺得很柔順有光澤
每日重覆以上部驟,你一定可以救得番自己把頭髮!
而家頭髮摸落好順滑又有彈性!

Love a Little More Each Day   a Chai 阿柴